ناضرت وجهي وانا صغير
في صوره يوم انا داله
صوره قديمه وانا غرير
وعايش مع ابوي بضلاله
لقيتني من الفرح باطير
مدري عن الهم واشكاله
مرتاح ومريح الضمير
اعتى البشر مالي وماله
ذاك الزمن اذكره بالخير
عني خلص شدة ارحاله
يوم انني فيه كنت آمير
في مملكه ساكن لحاله
يامر وينهى وله تقدير
كلن يبي يحقق آماله
وناضرت وجهي واناكبير
اعوذ بالله من حاله
الهم فيه اكثر من الكثير
ومن شافني قال عزاله
وقتي تغير وصرت آسير
حسبي على الوقت وافعاله
كل شي تغير لوضع غير
مابقى شي على حاله
واليوم اعبر فقط تعبير
عن حال من حالته حاله
شعر: زيد عبيد العنزي
الثلاثاء أكتوبر 16, 2007 7:06 pm
